Dünya Oyunlarında parataekvondo idman növü üzrə yarışlar başa çatıb. Azərbaycan Taekvondo Federasiyasından apasport.az saytına verilən məlumata görə, Portuqaliyada təşkil edilən IWAS versiyası üzrə fiziki qüsurlu idmançıların mübarizəsinin son günü qadınlar dayanq üzərinə çıxıblar.

Təmsilçilərimizdən Röyalə Fətəliyeva (49 kq, K44) yarımfinalda məğlub olaraq yarışın bürünc medalına sahib olub. Digər parataekvondoçumuz Aynur Məmmədova (+58 kq, K44) isə ilk döyüşündə məğlub olaraq yarışı erkən başa vurub.

Beləliklə, Dünya Oyunlarında 12 idmançı ilə təmsil olunan parataekvondo milli yığma komandamız aktivinə bir qızıl, bir gümüş və üç bürünc medal əlavə edib.

Baş məşqçi Əvəz Tağıyev və böyük məşqçi Yaşar Səfərovun yetirmələri komanda hesabında İran və Türkiyə komandasından sonra üçüncü yeri tutublar.

Qeyd edək ki, ilk yarış günü Nicat Müslümov 75 kq çəki dərəcəsində (K42) qızıl medal, 43 kateqoriyalı idmançıların yarışında isə gümüş medal, eyni kateqoriyada digər idmançımız Xəzər Mirzəyev (-75 kq) və +75 yuxarı çəki dərəcəsində Vüqar Adışirinov (K44) bürünc mükafata layiq görülmüşdü.

• Bakıda keçirilən üzgüçülük üzrə Dünya Kubokunda rekord
• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər