Fransanın Nitsa şəhərində veteran atletlər arasında keçirilən Avropa Oyunları başa çatıb. Azərbaycan Atletika Federasiyasından apasport.az saytına verilən məlumata görə, yarışa qatılan Azərbaycan millisi 1 qızıl və 4 gümüş medal qazanıb.

Belə ki, təmsilçilərimizdən Tamilla Bünyatova nizə atma növündə bütün rəqiblərini qabaqlayaraq, çempion tituluna yiyələnib. Digər həmyerlilərimizdən Albert Menyayev nüvə itələmə və şüvüllə tullanmada, Sadıq Sadıqov isə 800 m və 1500 m məsafələrə qaçışda ikinci yeri tutub.