“Formula-1” yarışının əfsanəsi Mixael Şumaxerin həyat uğrunda mübarizə apardığı bir zamanda onun oğlu atasının yolunu davam etdirmək qərarına gəlib. Apasport.az saytının məlumatına görə, 15 yaşlı Mik beynəlxalq kartinq yarışında ilk uğuruna imza atıb.

Mik İtaliyanın Kastello şəhərində keçirilən “WSK Super MasterSeries” kartinq seriyasının mərhələlərindən birində finişə ikinci çatıb. Ona Mixail Şumaxerlə kartinq karyerasının əvvəlində işləmiş mexanik Peter Kayzer kömək edir.

Mik məşhur atasının soyadından istifadə edərək lazımsız təzyiqə məruz qalmamaq üçün anasının qızlıq soyadı ilə çıxış edir.

Mixail Şumaxer hazırda Qrenobl hospitalındadır. O, ağır kəllə-beyin zədəsindən sonra 3 ay komada qalıb. Aprelin əvvəlində həkimlər onu koma vəziyyətindən çıxarmağa başlayıblar. Hazırda onun artıq oyanmaq üzrə olduğu vurğulanır.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"