Mövsümlərarası fasilədə transfer çalışmalarını davam etdirən “Qəbələ” heyətinə daha bir futbolçu qatıb. 

Apasport.az saytının məlumatına görə, “qırmızı-qaralar” ikinci transferini gerçəkləşdirib. 

Öncə İlkin Qırtımovu sıralarına cəlb edən “Qəbələ” Azərbaycan millisinin qapıçısı Səlahət Ağayevin keçidini rəsmiləşdirib. 31 yaşlı qolkiperlə 1 illik müqavilə imzalanıb.

Son klubu “Sabah” olan Ağayev 2021-2022-ci illər mövsümünü paytaxt təmsilçisində keçirib. Qapıçı bunadək Premyer Liqada “İnter” (2008-2015, 2016-2017), MOİK (2011, icarədə), “Sumqayıt” (2012-2013, icarədə, 2016) və “Neftçi”nin (2017-2021) formasını geyinib. 2010-cu ildə Azərbaycan millisinin heyətində debüt edən qapıçı yığmada 21 oyun keçirib.
 

• Azərbaycan Kuboku: "Qarabağ" 1/4 finalda ilk oyununa çıxacaq
• Əyyub Allaş "Araz-Naxçıvan"da - Rəsmi
• Azərbaycan Kuboku: "Araz-Naxçıvan" "Zirə"yə qarşı - YENİLƏNİR
• Millimizin üzvü oynadı, komandası məğlub oldu
• "Fənərbaxça" 10 dəqiqəyə 3 futbolçusunu itirdi