“Mançester Siti”nin hücumçusu Erlinq Haland klubun tarixinə düşüb.

Apasport.az saytının məlumatına görə, gənc forvard buna Çempionlar Liqasının qrup mərhələsində “Kopenhagen”lə matçda fərqlənərək nail olub.

Komandasının 5:0 hesablı qələbəsinə dublla töhfə verən Haland son 20 ildə “Mançester Siti”nin heyətində bütün turnirlərdə keçirdiyi ardıcıl 9 matçda qol vuran ilk oyunçudur.

Qeyd edək ki, Erlinq Haland ilk 3 turdan sonra 5 qolla Çempionlar Liqasında bombardirlər yarışına başçılıq edir.