Argentina millisinin kapitanı Lionel Messi rekorda ortaq olub.

Apasport.az saytı xəbər verir ki, 35 yaşlı forvard əfsanəvi Dieqo Maradonaya çatıb.

Messi DÇ-2022-nin II turunda Meksika ilə matçın start heyətində yer almaqla buna nail olub. Bu, futbolçunun cənubi amerikalıların heyətində mundiallarda 21-ci matçı kimi tarixə düşüb.

Qeyd edək ki, Lionel Messi buna qədər dünya çempionatlarında meydana çıxdığı 20 oyunda 6 qol vurub, 5 məhsuldar ötürmə verib.