Bakı. Vüqar Xeyrullayev-APA-Sport. Birləşmiş Ərəb Əmirliklərinin paytaxtı Abu-Dabidə keçirilən qadın voleybolçular arasında beynəlxalq turnirdə növbəti oyunlar başa çatıb. “APA-Sport” agentliyinin məlumatına görə, B qrupunda yer alan Azərbaycan milli komandası üçüncü görüşündə Kuba ilə qarşılaşıb. Faiq Qarayevin rəhbərlik etdiyi kollektiv bu qarşılaşmada hər üç setdə məğlub olub – 0:3. Yığmamız qrup mərhələsinin son turunda Rusiyanı sınağa çəkəcək. Müxtəlif qitələrdən 10 komandanın yarışdığı turnirin qalibi isə mayın 27-də müəyyənləşəcək. Qeyd edək ki, milli komandamız Kuba ilə matçadək Almaniyaya 1:3 hesabı ilə uduzub, Fransanı 3:0 hesabı ilə məğlub edib.

• Kişi voleybolçular arasında Azərbaycan Yüksək Liqasında yeni mövsümə start verilir
• Yüksək Liqa: UNEC "Milli Aviasiya Akademiyası”nı məğlub etdi
• Qadın voleybolçular arasında Yüksək Liqaya start verilib - FOTO
• Voleybol üzrə Azərbaycan çempionatında yeni mövsüm bu gün başlayır
• Yüksək Liqa: Yeni mövsümə start veriləcək