Voleybolçu qadınlar arasında Avropa çempionatının seçmə mərhələsində yığma komandamızın rəqibi Belarus millisi İsraildə hazırlığı başa vurub. Apasport.az saytının məlumatına görə, Nikolay Karpolun rəhbərlik etdiyi komanda təlim-məşq toplanışını proqrama uyğun olaraq aparır. Belə ki, İsraildən Mogilyova gələn komanda Ukrayna voleybolçuları ilə ilk yoldaşlıq matçını keçiriblər. Rəqibimiz ilk setdə məğlub olsa da, oyunda dönüş yaratmağı bacarıb. Dalbadal 3 hissədə qələbə qazanan əfsanəvi məşqçinin komandası qarşılaşmanı 3:1 hesabı ilə öz xeyrinə bitirib.

Qeyd edək ki, qitə çempionatına ciddi hazırlaşan rəqib Ukrayna komandası ilə daha 2 yoxlama oyununda qüvvəsini sınayacaq.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq