“Həmin zaman çox təsirləndim, duyğulandım”
06.12.2011 - 11:35
“Türkiyənin 4 ən böyük komandasına nəzər salsaq, onların baş məşqçisi postunda yerli mütəxəssis olmadığını görərik. Amma Türkiyənin gənclər yığması dünya çempionu olsa da, bu komandanın çalışdırıcısı əcnəbi deyil”. Apasport.az saytının məlumatına görə, bu sözləri Azərbaycan Voleybol Federasiyasının vitse-prezidenti Faiq Qarayev deyib.
Azərbaycan millisini də çalışdıran Qarayev “Fənərbaxça” jurnalına müsahibəsində bir çox maraqlı açıqlamalarla diqqəti çəkib. O bildirib ki, yerli mütəxəssislərə güvənməklə, lazımı hədəflərə çatmaq mümkündür: “Əsas yığmada məşqçilər korpusunda çalışanlar əcnəbilərdir. Futbolda da elədir. Amma məlum olduğu kimi, “Fənərbaxça” Aykut Kocamanla Super Liqanın qalibi adını qazandı. Voleybol millisində də niyə bu olmasın?”
Qarayev vurğulayıb ki, Azərbaycanda Türkiyə klublarının kifayət qədər azarkeşi var: “Klublarımızdan əlavə, Türkiyənin hansısa komandası oynadığı yarışlarda biz hər zaman “ay-ulduzlular”a azarkeşlik edirik”.
54 yaşlı mütəxəssis mərhum prezident Heydər Əliyevin Azərbaycan dövlətinin başçısı seçilməsini də xoş xatirələrlə yada salıb: “Bizim Atatürkümüz yoxdur” deyə, həmişə təəssüf hissi keçirirdim. Sonra Heydər Əliyev hakimiyyətə gəldi və bizim Atatürkümüz oldu. Yetim qalmadıq. Onu uca tuturduq. Hələ də onun çörəyini yeyirik”.
Qarayev bildirib ki, “Fənərbaxça” həmişə azarkeşləri ilə qürur duymalıdır: “Super Liqada “Fənərbaxça” – “Manisaspor” matçında Türkiyə futbolunda bir ilk yaşandı. “Sarı-lacivərdlilər”in stadionu qadın və uşaqlarla doldu. Bu möhtəşəm dəstək, sözlə deyilə bilməyəcək uğurdur. Həmin zaman çox təsirləndim, duyğulandım. Sanki bir idman bayramı idi. Yəni “Fənərbaxça” həmişə azarkeşləri ilə qürur duymalıdır”.
Qeyd edək ki, Faiq Qarayev vaxtı ilə Türkiyənin milli komandasında, “Əczaçıbaşı” və “Ankara Vakıfbank” klublarında baş məşqçi işləyib.
Azərbaycan millisini də çalışdıran Qarayev “Fənərbaxça” jurnalına müsahibəsində bir çox maraqlı açıqlamalarla diqqəti çəkib. O bildirib ki, yerli mütəxəssislərə güvənməklə, lazımı hədəflərə çatmaq mümkündür: “Əsas yığmada məşqçilər korpusunda çalışanlar əcnəbilərdir. Futbolda da elədir. Amma məlum olduğu kimi, “Fənərbaxça” Aykut Kocamanla Super Liqanın qalibi adını qazandı. Voleybol millisində də niyə bu olmasın?”
Qarayev vurğulayıb ki, Azərbaycanda Türkiyə klublarının kifayət qədər azarkeşi var: “Klublarımızdan əlavə, Türkiyənin hansısa komandası oynadığı yarışlarda biz hər zaman “ay-ulduzlular”a azarkeşlik edirik”.
54 yaşlı mütəxəssis mərhum prezident Heydər Əliyevin Azərbaycan dövlətinin başçısı seçilməsini də xoş xatirələrlə yada salıb: “Bizim Atatürkümüz yoxdur” deyə, həmişə təəssüf hissi keçirirdim. Sonra Heydər Əliyev hakimiyyətə gəldi və bizim Atatürkümüz oldu. Yetim qalmadıq. Onu uca tuturduq. Hələ də onun çörəyini yeyirik”.
Qarayev bildirib ki, “Fənərbaxça” həmişə azarkeşləri ilə qürur duymalıdır: “Super Liqada “Fənərbaxça” – “Manisaspor” matçında Türkiyə futbolunda bir ilk yaşandı. “Sarı-lacivərdlilər”in stadionu qadın və uşaqlarla doldu. Bu möhtəşəm dəstək, sözlə deyilə bilməyəcək uğurdur. Həmin zaman çox təsirləndim, duyğulandım. Sanki bir idman bayramı idi. Yəni “Fənərbaxça” həmişə azarkeşləri ilə qürur duymalıdır”.
Qeyd edək ki, Faiq Qarayev vaxtı ilə Türkiyənin milli komandasında, “Əczaçıbaşı” və “Ankara Vakıfbank” klublarında baş məşqçi işləyib.
Oxşar xəbərlər
Ana səhifə
Bütün xəbərlər