“Bizi qarşıda çox ciddi matç gözləyir. Çalışıb, mütləq qalib gəlməliyik”. Apasport.az saytının məlumatına görə, bunu “Dinamo-Romprest”in voleybolçusu Elena Koleva deyib.

Rumıniya komandasının bolqarıstanlı legioneri CEV kubokunun 1/16 final mərhələsi çərçivəsində sabah qəbil edəcəkləri Bakının “İqtisadçı” klubu ilə oyuna münasibət bildirib. Onun sözlərinə görə, yaxşı oynayıb “Qızıl set”ə ümid edə bilərlər: “Rəqibimiz çox yüksək səviyyədə voleybol nümayiş etdirir. Onlar hər mövqedə demək olar güclüdür. Lakin biz də yerli azarkeş ordusunun dəstəyi sayəsində qisasımızı ala bilərik. Bu bizim üçün lazımdır. Belə olan halda psixoloji cəhətdən biz üstün olacağıq və “Qızıl set”də yaxşı çıxış edə biləcəyik”.

Qeyd edək ki, ilk matçda “İqtisadçı”ya 0:3 hesabı ilə uduzan “Dinamo-Romprest” sabah Buxarestdə cavab oyununa çıxacaq.

• Kişi voleybolçular arasında Azərbaycan Yüksək Liqasında yeni mövsümə start verilir
• Yüksək Liqa: UNEC "Milli Aviasiya Akademiyası”nı məğlub etdi
• Qadın voleybolçular arasında Yüksək Liqaya start verilib - FOTO
• Voleybol üzrə Azərbaycan çempionatında yeni mövsüm bu gün başlayır
• Yüksək Liqa: Yeni mövsümə start veriləcək