Holland sınağı

30.10.2012 - 00:01

Bu gün “İqtisadçı” CEV kubokunun 1/16 final mərhələsinin cavab matçına çıxacaq. Apasport.az saytının məlumatına görə, ilk oyunda 0:3 hesabı ilə qalib gələn Bakı təmsilçisi Hollandiyada “Sliedrext”in qonağı olacaq.

Voleybolçularımızın cütün taleyini “Qızıl set”ə saxlamayacağı gözlənilir. Çünki mövsümə uğurlu start verən “İqtisadçı” CEV kubokunda ikinci ilində uğur qazanmaq arzusundadır.

CEV kuboku
1/16 final mərhələsi, cavab matçı

30 oktyabr
23:00. “SLİEDREXT” (HOLLANDİYA) - “İQTİSADÇI” (AZƏRBAYCAN)
Hakimlər: Andreas Miredal (Norveç), Mariya Fişer (Almaniya)

İlk matç
“İQTİSADÇI” (AZƏRBAYCAN) - “SLİEDREXT” (HOLLANDİYA) - 3:0 (25:17, 25:18, 25:22)

Qeyd edək ki, cütün qalibi 1/8 finalda “Omiçka” (Rusiya) - Yedinstvo” (Bosniya və Herseqovina) duelinin güclüsü ilə oynayacaq.