Qadın voleybolçular arasında Çempionlar Liqasının ən yaxşılarının adları açıqlanıb. Apasport.az saytının məlumatına görə, bu mötəbər yarışın arxada qalan hissəsinin fərqlənənləri sırasında Bakı klublarından - “Rabitə”, “Lokomotiv” və “Azərreyl” oyunçuları da var.

Lakin ilk “üçlük”də yalnız “Rabitə” və “Azərreyl”in üzvləri yer alıb. Çempionumuz “Top-3”də 2, onun əzəli rəqibi isə 1 ulduzla təmsil olunub.

Qitənin 1 nömrələri arasında isə yeganə voleybolçumuz Katarjina Skorupadır. Azərbaycan çempionunun polşalı oyunçusu toppaylayıcıların siyahısına başçılıq edir. Legionerimiz ötürmə faizinə görə ikinci yerdə gedən Naz Aydəmiri 3,41 faiz qabaqlayır.

Ondan sonra ən yaxşı nəticə artıq avrokubokla vidalaşan “Azərrey”in hücumçusu Manon Flierin hesabındadır. Hollandiyalı oyunçu eysdən komandasına 24 xal qazandırıb. O, 3-cü yerdə gedən Neslihan Darnellə eyni xal toplasa da, türkiyəlidən 4 set az meydanda olduğu üçün 2-cidir.

“Rabitə”nin digər voleybolçusu – Madeleyne Montana ən çox xal toplayanların mübarizəsində ilk “üçlüy”ə yüksəlib. Kolumbiyalı hücumçumuz 9 matçda 187 xal topladığından Yekaterina Qamova və Neslihan Darneldən geri qalır. Lakin bombardirlər siyahısına başçılıq edən rusiyalının komandası “Dinamo” mübarizəni dayandırdığından onun mövqeyini qoruyacağı inandırıcı görünmür.

Siyahıda, həmçinin Çempionlar Liqası ilə vidalaşan “Lokomotiv”in hücumçusu Aneta Havlikovanın da adı var.

Ən çox xal toplayan

	Klubu	Oyun sayı	Set sayı	Topladığı xal
1. Yekaterina Qamova	Dinamo Kazan	9	34	215
2. Neslihan Darnel	Əczaçıbaşı	10	40	199
3. Madeleyne Montano	Rabitə	9	32	187
...5. Meqan Hodj	Azərreyl	9	36	169
...7. Aneta Havlikova	Lokomotiv	7	28	155
...9. Foluke Akinradevo	Rabitə	10	36	139

Ən yaxşı blokçular

	Klubu	Oyun sayı	Set sayı	Topladığı xal
1. Kristin Fürst	Vakıfbank	10	39	42
2. Yuliya Marozova	Dinamo Moskva	8	34	39
3. Maja Polyak	Dinamo Moskva	9	36	36
...5. Sara Anzanello	Azərreyl	9	36	34

Ən yaxşı top qəbul edənlər

	Klubu	Oyun sayı	Set sayı	Düzgün qəbul (faizlə)
1. Ana-Mariya Stefan	Dinamo-Romprest	6	24	51,54
2. Regan Hud	Dinamo-Romprest	6	24	50,82
3. Debora Ortiştt	Myulhauz	6	22	47,95

Topu oyuna ən yaxşı daxil edənlər

	Klubu	Oyun sayı	Set sayı	Topladığı xal
1. Denis Hanke	Şveriner	8	29	27
2. Manon Flier	Azərreyl	9	36	24
3. Neslihan Darnel	Əczaçıbaşı	10	40	24
...5. Aurea Kruz	Rabitə	7	26	18
...8. Nataşa Krsmanoviç	Rabitə	9	33	15

Ən yaxşı toppaylayıcılar

	Klubu	Oyun sayı	Set sayı	Əla ötürmə (faizlə)
1. Katarjina Skorupa	Rabitə	10	36	43,87
2. Naz Aydəmir	Vakıfbank	10	39	40,46
3. Yevgeniya Startseva	Dinamo (Kazan)	9	3440	39,80

• Bakı təmsilçisindən yeni transfer
• “Murov Az Terminal"da yeni müqavilə
• “Murov Az Terminal”da yeni müqavilə
• "Murov Az Terminal" heyətini ukraynalı voleybolçu ilə gücləndirib
• "Murov Az Terminal"dan yeni transfer