Natalya Məmmədovadan asan qələbə

22.02.2013 - 18:26

Qadın voleybolçular arasında Rusiya Superliqasında XVII turun oyunlarına start verilib. Apasport.az saytının məlumatına görə, tur çərçivəsində Azərbaycan millisinin hücumçusu Natalya Məmmədovanın şərəfini qoruduğu “Omiçka” “Severstal” klubunu qəbul edib.

Görüş Omiçka təmsilçisi üçün asan alınıb. Onlar rəqiblərini “quru hesabla” məğlub ediblər - 3:0 (25:22, 25:14, 25:23).

Qeyd edək ki, qələbə sayəsində “Omiçka” xallarının sayını 33-ə çatdırıb və müvəqqəti də olsa 5-ci yerə yüksəlib.