Çempionlar Liqasının finalında “Rabitə”nin rəqibi məlum olub. Apasport.az saytının məlumatına görə, Azərbaycan çempionu qızıl medal uğrunda Türkiyənin “Vakıfbank” klubu ilə qarşılaşacaq.

Rəqibimiz yarımfinalda “Qalatasaray”a 3:0 (28:26, 25:17, 25:21) hesabı ilə qalib gələrək, həlledici mərhələyə yüksəlib. Onlardan öncə isə “Rabitə” “Yamamay”ı 3:2 hesabı ilə məğlub etmişdi.

Beləliklə, 2011-ci ildə olduğu kimi yenə qitənin ən güclüsü adı “Rabitə” – “Vakıfbank” matçında müəyyənləşəcək. Üçüncü yer uğrunda oyunda isə “Qalatasaray” “Yamamay”la oynayacaq.

Qeyd edək ki, sabah bürünc medallar uğrunda matç Bakı vaxtı ilə saat 16:00-da, final isə 3 saat sonra başlayacaq.

• Voleybol üzrə Yüksək Liqaların yeni mövsümünün püşkü atılıb - FOTO
• Bakı təmsilçisindən yeni transfer
• “Murov Az Terminal"da yeni müqavilə
• “Murov Az Terminal”da yeni müqavilə
• "Murov Az Terminal" heyətini ukraynalı voleybolçu ilə gücləndirib