Ancelo Vercesi: “Rabitə” çempion olmaq gücündədir

10.03.2013 - 12:24

“Final çox gərgin olacaq. Hər 2 komanda – həm “Rabitə”, həm də “Vakıfbank” çempion olmaq gücündədir”. Bunu apasport.az saytının İstanbula ezam olunmuş əməkdaşına açıqlamasında “Bakı”nın sabiq baş məşqçisi Ancelo Vercesi deyib.

Braziliyalı mütəxəssis Çempionlar Liqasının “Dördlər finalı”nı İstanbulda canlı izləyir. O yarımfinallardan sonra bildirib ki, proqnozları özünü doğruldub: “Mütəxəssislərin əksəriyyəti finalda “Rabitə” ilə “Vakıfbank”ın oynayacağını proqnozlaşdırırdı. Bu, reallaşdı. Ancaq bu dueldə kimin qalib olacağı barədə fikir yürütmək çətindir. Fikrimcə, gərgin, baxımlı və maraqlı oyun olacaq”.

Qeyd edək ki, “Rabitə” – “Yamamay” oyunu Bakı vaxtı ilə saat 19:00-da başlayacaq.