Sabah Almaniya və İsveçrədə start götürəcək Avropa çempionatı Azərbaycan millisinin 5-ci cəhdi olacaq. Apasport.az saytının məlumatına görə, ilk dəfə 2005-ci ildə bu mötəbər yarışa qatılan Faiq Qarayevin yetirmələri artıq final mərhələlərinin ənənəvi iştirakçılarına çevrilib.

Ardıcıl 5-ci dəfə Avropa çempionatının həlledici mərhələsinə yüksələn komandamızın arxada qalan 4 yarışda ən yaxşı nəticəsi 4-cü yerdir. 8 il əvvəlki debütdə yarımfinala yüksələn, lakin son 2 oyunu uduzmaqla medalsız qalan millimiz növbəti 3 çempionatda heç ilk “səkkizliyə” də düşməyib.

Amma millimizin 1 uğurlu tendensiyası da var ki, komandamız heç vaxt mübarizəni qrupda dayandırmayıb. Final mərhələsində ən pis nəticəsi 12-ci yer olan təmsilçimiz bu turnirlərdə 7 qələbə qazanıb, 16 dəfə məğlub olub.

Maraqlıdır ki, indiki rəqiblərimizdən olan Rusiya medalın bir addımlığında olduğumuz çempionatda voleybolçularımızın bürünc arzusunun üstündən xətt çəkib. 8 il əvvəl Xorvatiyada ruslar komandamızı 3:0 hesabı ilə məğlub edib.

Azərbaycan yığması Avropa çempionatının final mərhələlərində

İl	O	Q	M	S	X	Tutduğu yer
2005	7	4	3	12-11	11	IV
2007	6	1	5	4-15	7	XII
2009	6	1	5	6-15	7	XII
2011	4	1	3	6-10	3	IX
Yekun	23	7	16	28-51	28

• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb
• Voleybol üzrə Yüksək Liqaların yeni mövsümünün püşkü atılıb - FOTO
• Bakı təmsilçisindən yeni transfer
• “Murov Az Terminal"da yeni müqavilə