Qadın voleybolçular arasında Çempionlar Liqasının ilk turunu idarə edəcək hakimlər briqadası açıqlanıb. Apasport.az saytının məlumatına görə, oktyabrın 22-də keçiriləcək “Azəryol” – “Yamamay” (İtaliya) matçını Mixaylo Melnik (Ukrayna) idarə edəcək. Saat 18-da başlayacaq qarşılaşmada köməkçi hakim funksiyasını Tomas Murulo (Estoniya) yerinə yetirəcək.

Həmin gün Serbiyanın paytaxtı Belqradda yerli “Srvena Zvezda” ilə üz-üzə gələcək (Bakı vaxtı ilə saat 21:00) “İqtisadçı”nı meydana yunanıstanlı Sotirios Delikostides və bolqarıstanlı Dobromir Dobrev çıxaracaq.

Oktyabrın 24-də, saat 17:00-da start götürəcək “Rabitə” – “Omiçka” (Rusiya) duelində isə əsas fit sahibi Yuri Bakunoviç (Belarus) olacaq. Ona Simone Santi (İtaliya) köməklik edəcək.

Qeyd edək ki, “Rabitə”nin ruslarla oyunu “Sərhədçi” Olimpiya Mərkəzində keçiriləcək.

• Millimiz ilk qələbəsini qazandı
• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb
• Voleybol üzrə Yüksək Liqaların yeni mövsümünün püşkü atılıb - FOTO
• Bakı təmsilçisindən yeni transfer