“İqtisadçı”nın mövsümün gedişində yollarını ayırdığı ilk voleybolçu müəyyənləşib. Apasport.az saytının məlumatına görə, Super Liqanın gümüş mükafatçısı olan “universitet komandası” 32 yaşlı italiyalı Valentina Serena ilə vidalaşıb.

Toppaylayıcı ilə müqavilə mövsümün sonuna kimi olsa da, buna qarşılıqlı şəkildə xitam verilib. Əsasən ehtiyatda qalan Serenanın gedişinə eyni mövqedə oynayan argentinalı Romina Lamasın transferi səbəb olub.

Cənubi amerikalının keçidi ilə “İqtisadçı”da oyun qurucularının sayı 3-ə çatıb ki, baş məşqçi Bülənt Karslıoğlu da çinli Kiuyue Veyi komandada saxlamağı lazım bilib.

Qeyd edək ki, komandada yeganə Azərbaycan voleybolçusu İndira Abdullayevanın da “İqtisadçı”dan ayrılması istisna deyil.

• III MDB Oyunları: Millimiz Özbəkistana məğlub olub - FOTO
• İtaliyada Avropa çempionatının püşkatma mərasimi keçiriləcək
• Millimiz ilk qələbəsini qazandı
• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb