“Qala” dövrəni lider bitirdi

12.03.2014 - 13:23

Kişi basketbolçular arasında Azərbaycan çempionatının ilk dövrəsi başa çatıb. Apasport.az saytının məlumatına görə, Mingəçevir şəhərində baş tutan III turun oyunlarında sonra “Qala” liderliyini davam etdirib.

Belə ki, ilk 2 matçda qələbə qazanan Elxan Əliyevin yetirmələri bu dəfə “Cəlilabad” komandasından üstün olublar – 88:52. Turun digər görüşündə isə “Şəki” “Gəncə”ni 60:54 hesabı ilə məğlub edib.

Beləliklə, III turdan sonra “Qala” 6, “Cəlilabad” 5, “Şəki” 4 və “Gəncə” 3 xala malikdir.

Qeyd edək ki, ikinci dövrənin ilk turu martın 30-da Cəlilabad şəhərində keçiriləcək.