Bakıda keçirilən qadın voleybolçular arasında Çempionlar Liqasının “Dördlər finalı” “Əczaçıbaşı”nın baş məşqçisi Lorenzo Miçelliyə baha başa gəlib. Apasport.az saytının məlumatına görə, 4 ildir İstanbul təmsilçisini çalışdıran italiyalı mütəxəssis mövsümün sonunda komandadan göndəriləcək.

Belə ki, yarımfinalda “Vakıfbank”a, ardınca üçüncü yer uğrunda görüşdə “Rabitə”yə məğlubiyyəti “Əczaçıbaşı” rəhbərliyi “həzm” edə bilməyib. Onlar Bakını tərk edər-etməz bildiriblər ki, Miçelli ilə yeni müqavilə bağlanmayacaq və o, mövsümün sonunda postundan ayrılacaq.

Qeyd edək ki, “Əczaçıbaşı” “Vakıfbank”a 3:1, “Rabitə”yə 3:0 hesabı ilə məğlub olub.