Qadın həndbolçular arasında “Çelenc Cup”ın 1/8 final mərhələsinin oyunları başa çatıb. Apasport.az saytının məlumatına görə, Azərbaycanın avrokuboklardakı yeganə təmsilçisi ABU bu mərhələdə Serbiyada “Milenium”la münasibətinə aydınlıq gətirib.
Belqradda keçirilən hər 2 görüş komandamızın məğlubiyyəti ilə başa çatıb. Belə ki, ilk matçda cəmi 4 top fərqi ilə uduzan (29:33) Konstantin Ruvinskinin yetirmələri ikinci qarşılaşmada 26:29 hesabı ilə məğlub olub.
Azərbaycan çempionunun heyətində Marina Tankaskaya 2 oyunun nəticəsinə görə 16 xalla bombardir olsa da, ABU “Çelenc Cup”a əlvida deyib.
“Çelenc Cup”
1/8 final
İlk oyun
8 fevral
ABU (Azərbaycan) - “Milenium” (Serbiya) – 29:33
Hakimlər: Milan Hajek, Karel Maço (hər ikisi Çexiya), Delyan Gençev (Bolqarıstan)
Belqrad. “Milenium Arena”
Cavab oyunu
9 fevral
“Millenium” (Serbiya) - ABU (Azərbaycan) – 29:26
Hakimlər: Milan Hajek, Karel Maço (hər ikisi Çexiya), Delyan Gençev (Bolqarıstan)
Belqrad. “Milenium Arena”
Oxşar xəbərlər
Ana səhifə
Bütün xəbərlər