Qadın voleybolçular arasında Çempionlar Liqasının Bakıda keçiriləcək “Dördlər finalı”nın oyunlarının başlama saatı açıqlanıb. Apasport.az saytının məlumatına görə, “Rabitə”nin ev sahibliyi edəcəyi həlledici mərhələ Türkiyə derbisi ilə başlayacaq.
Belə ki, martın 15-də açılış qarşılaşması, saat 16:00-da yarışın son qalibi “Vakıfbank”la “Əczaçıbaşı” arasında olacaq. Ardınca meydana Azərbaycan çempionu çıxacaq. “Rabitə” saat 19:00-da start götürəcək oyunda Kazan “Dinamo”sunu sınağa çəkəcək.
Ertəsi gün də matçlar eyni saatda təşkil olunacaq. Öncə bürünc mükafatçı, sonra çempion bilinəcək.
“Dördlər finalı”, Bakı
15 mart
Yarımfinal
16:00. “Vakıfbank” (Türkiyə) – “Əczaçıbaşı” (Türkiyə)
19:00. “Dinamo” (Kazan, Rusiya) – “Rabitə” (Azərbaycan)
16 mart
3-cü yer uğrunda
16:00. Yarımfinal cütlərinin məğlubları
FİNAL
19:00. Yarımfinal cütlərinin qalibləri
Qeyd edək ki, qarşılaşmalar “Bakı Kristal Hall”da təşkil olunacaq.
Oxşar xəbərlər
Ana səhifə
Bütün xəbərlər