Qadın və kişi voleybolçular arasında Çempionlar Liqasının pley-off mərhələsinin püşkünün atılacağı tarix və məkan dəqiqləşib. Apasport.az saytının məlumatına görə, qitənin ən nüfuzlu klub turnirdə qrup mərhələsini adlayacaq komandalar yanvarın 29-da rəqiblərini tanıyacaqlar.
Pley-offun I və II mərhələsinin püşkü Lüksemburqda atılacaq. Burada, həmçinin “Dördlər finalı”nın ev sahibləri bəlli olacaq və yarımfinal cütlərinin potensial iştirakçılarına aydınlıq gələcək.
I pley-off mərhələsinin ilk oyunları fevralın 10-12-si tarixlərində, cavab görüşləri isə 1 həftə sonra oynanılacaq.
Qeyd edək ki, Çempionlar Liqasında mübarizə aparan Azərbaycan klublarından “Azəryol” pley-offa yüksəldiyi halda, “Rabitə”nin mübarizəni bu yarışda davam etdirib-etdirməyəcəyi sabah Polşa “Ximik”i ilə matçdan sonra bilinəcək.
Oxşar xəbərlər
Ana səhifə
Bütün xəbərlər