Finalçılar müəyyənləşdi

12.07.2014 - 10:33

Qadın voleybolçular arasında Avropa Liqasının finalçıları müəyyənləşib. Apasport.az saytının məlumatına görə, Azərbaycan millisinin qrupda qaldığı yarışın həlledici görüşlərində Türkiyə ilə Almaniya üz-üzə gələcək.

Qonşu ölkə təmsilçisi yığmamızın yer aldığı qrupda 1-ci yeri hələ ötən həftə təmin etmişdi. Bundestim isə B qrupunun qalibi adını 11-ci turda qazanıb.

Bu iki komanda iyulun 16-da Türkiyədə, 3 gün sonra Almaniyada qarşılaşacaq.

Qeyd edək ki, 2009 və 2011-ci illərdə finalda uduzan Türkiyə 3-cü dəfə həlledici qarşılaşmaya vəsiqə əldə edib. Almaniya isə turnirin son qalibidir.