Millimiz qrupda qaldı

01.12.2014 - 10:59

Qadın həndbolçulardan ibarət Azərbaycan millisi 2015-ci ildə keçiriləcək dünya çempionatının seçmə mərhələsini uğursuzluqla başa vurub. Apasport.az saytının məlumatına görə, ilk görüşdə Çexiyaya uduzan (26:38) yığmamız Litva ilə matçda da məğlubiyyətdən qaça bilməyib.

Olomouts şəhərində baş tutan qarşılaşmada rəqib 35:29 (23:15) hesabı ilə qalib gələrək, həndbolçularımızı qrup sonuncusu edib. Litvalılarla görüşdə komandamızın heyətində ən məhsuldar oyunçu Yekaterina Peçe olub. Onun 9 zərbəsi dəqiq alınıb.

Qrupumuzun son görüşündə isə oyunlara ev sahibliyi edən çexlər Litvanı da məğlub edərək (33:27), mərhələ adlayıb.