“Komandamı və azarkeşlərimizi təbrik edirəm. Bu gün ağır oyunda qalib gəldiyimiz üçün sevincliyəm”. Apasport.az saytının məlumatına görə, bunu “Rabitə” klubunun voleybolçusu Sanya Staroviç deyib.

Bakı təmsilçisinin kapitanı Çempionlar Liqasının üçüncü yeri tutmalarına münasibət bildirib. Staroviçin sözlərinə görə, bu gün “Əczaçıbaşı”na qarşı bütün mövqelərdə istədikləri oyunu göstərə biliblər: “Biz yarımfinalda Kazan “Dinamo”suna qarşı da belə oynamalı idik. Amma oyunumuz alınmamışdı. Bu gün gücümüzü göstərdik. Hər top uğrunda sonadək döyüşdük”.

Qeyd edək ki, “Rabitə” üçüncü yer uğrunda görüşdə “Əczaçıbaşı”na 3:0 hesabı ilə qalib gəlib.

• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə
• "Azərreyl" "Gənclər"ə qarşı - Yüksək liqada növbəti oyunlar
• Azərbaycan Yüksək Liqasında müntəzəm mövsümün son turlarının tarixi açıqlanıb