Son matç: Əhəmiyyətsiz derbi

03.04.2014 - 13:11

Sabah qadın voleybolçular arasında Azərbaycan Super Liqasının əsas mərhələsi başa çatacaq. Apasport.az saytının məlumatına görə, III dövrəyə əzəli rəqiblərin dueli ilə yekun vurulacaq.

Belə ki, ilk 2 qarşılaşmada rəqibinə xal verməyən “Rabitə” üçüncü dəfə “Azəryol”u sınağa çəkəcək. Görüşdə qazanılacaq qələbə heç bir komanda üçün əhəmiyyət kəsb etməsə belə oyunun gərgin keçəcəyi gözləniləndir. Çünki bu derbi həmişə Super Liqanın bəzəyi hesab olunub. Həmçinin, Ancelo Vercesinin yetirmələri avrokubokdakı uğursuzluğu məhz ölkə çempionatında unutdurmaq arzusundadır. Onlar aktivində olan 2 məğlubiyyəti də “Rabitə”dən alıblar.

Amma keçirdiyi 14 görüşdə cəmi 1 dəfə uduzan “Rabitə”nin məğlub olacağı da inandırıcı deyil. Eldar Yusubovun yetirmələri hesabat turunda “Azərreyl”lə qarşılaşmadakı kimi oynayarlarsa, “Azəryol”un işi heç də asan olmayacaq.

XII tur

4 aprel

15:00. “Rabitə” – “Azəryol”

İlk oyun: “Rabitə” – “Azəryol” - 3:1 (29:27, 24:26, 25:18, 25:21)

İkinci oyun: “Azəryol” - “Rabitə” - 0:3 (20:25; 22:25; 22:25)

1	Rabitə	14	13	1	40-8	1174-934	38
2	Azəryol	14	12	2	37-22	1336-1253	31
3	İqtisadçı	15	9	6	34-26	1347-1270	28
4	Azərreyl	15	5	10	24-35	1244-1336	18
5	Lokomotiv	15	3	12	23-36	1160-1354	14
6	Telekom	15	1	14	13-44	1255-1351	3