UEFA Avropa Liqasının VII turunda Rumıniyanın FKSB klubu "Qarabağ"ı məğlub edib - 3:2.

Apasport.az xəbər verir ki, turnirin əsas mərhələsinin bitməsinə 1 həftə qalmış FKSB vacib qələbə qazanıb. Bu nəticə təkcə FKSB üçün yox, turnirin gedişatı üçün də mühüm əhəmiyyət kəsb edib.

"Qarabağ"ın Avropa Liqasında yolunu kəsən FKSB-nin qazandığı vacib xallar turnir cədvəlində dəyişikliklərə səbəb olub. 

Belə ki, Türkiyə təmsilçilərindən "Qalatasaray" ilk 8-likdəki yerini itirərək 13 xalla 9-cü pilləyə düşüb. 

İstanbul klubu əvvəlki mövqeyinə qayıtmaq üçün VIII turda Niderland təmsilçisi "Ayaks"ı məğlub etməli və özündən yuxarıdakı komandaların xal itirməsini gözləməlidir. 

Qarşıdakı tur hər iki komanda üçün həlledici xarakter daşıyır.

• Azərbaycan taekvondoçuları Multi Avropa Oyunlarına 6 medalla başlayıblar
• “Sabah”ın U-10 komandası İspaniyada beynəlxalq turnirə qatılacaq
• Azərbaycanın qadın voleybolçulardan ibarət millisinin Avropa çempionatı üçün heyəti açıqlanıb
• "Real" Marselonun oğlu ilə ilk peşəkar müqaviləsini imzaladı
• "Kəpəz"də şok: Şuaybu ilə yollar ayrıldı