Azərbaycan Respublikası Xüsusi Olimpiya Komitəsinin qadınlardan ibarət “Birləşmiş Futbol” (Unified Football) yığma komandası 2026-cı il 6–11 iyul tarixlərində Fransanın paytaxtı Paris şəhərində keçiriləcək Xüsusi Olimpiya Birləşmiş Futbol Dünya Kuboku Paris-2026-da ölkəmizi təmsil edəcək.
Apasport.az xəbər verir ki, turnir Xüsusi Olimpiya hərəkatının ən nüfuzlu beynəlxalq yarışlarından biri hesab olunur.
Dünya Kubokunda ümumilikdə 24 komanda – 12 kişi və 12 qadın komandası mübarizə aparacaq.
Yarışın əsas məqsədi inklüziv idmanın inkişafına töhfə vermək, idmançılar üçün bərabər imkanlar yaratmaq və sosial inteqrasiyanı gücləndirməkdir. Azərbaycanın qadınlardan ibarət komandası turnirdə 7-yə 7 (7v7) formatında keçiriləcək oyunlarda iştirak edəcək.
Millimiz B qrupunda Namibiya, ABŞ və Qvatemala yığmaları ilə üz-üzə gələcək.
Turnirin açılış qarşılaşması ev sahibi Fransa ilə Seneqal komandaları arasında keçiriləcək. Qaliblərin müəyyənləşəcəyi final oyunları isə iyulun 11-də Parisdə yerləşən Stade Charléty stadionunda baş tutacaq.
Qeyd edək ki, Azərbaycanın 11 nəfərlik qadınlardan ibarət “Birləşmiş Futbol” yığması ölkə daxilində həyata keçirilən Xüsusi Olimpiya proqramları çərçivəsində formalaşdırılıb.
Oxşar xəbərlər
Ana səhifə
Bütün xəbərlər