Avropanın top komandalarının yeni reytinq cədvəli açıqlanıb.

Apasport.az saytının məlumatına görə, siyahıda “Köhnə qitə”nin 415 ən güclü klubu yer alıb.

Azərbaycanın sıralamadakı komandalarının sayı artıb. Artıq ölkəmizin 4 klubu cədvələ düşüb.

Yalnız “Qarabağ” “Top-100”də qərarlaşıb. Azərbaycan çempionu 192 xalla qitənin 74-cüsüdür. Qurban Qurbanovun yetirmələri ötən siyahı ilə müqayisədə 7 pillə irəliləyib.

37 xala malik “Neftçi” 10 pillə geriləyib. Bakılılar Avropada 228-cidir. 

Avrokuboklarda debüt edəcək “Sabah” 20 xalla 255-ci sırada qərarlaşıb. “Qəbələ” 5 xalla 357-cidir. Azərbaycan kubokunun qalibi 6 pillə irəliləyib.

Qeyd edək ki, siyahıya 2147 xala malik “Real” başçılıq edir.

• “Qarabağ” - “Neftçi”: Jurnalistlərin HESABI
• "Sumqayıt"ın əvəzedicilərindən daha bir biabırçılıq - Yenə texniki məğlubiyyət verildi
• Nemanya Ancelkoviç: "Onunla Azərbaycandakı vaxtları tez-tez xatırlayırıq" - MÜSAHİBƏ
• "Sumqayıt" Ekvador millisinin futbolçusunu transfer etdi - Detallar
• "Barsa" Erik Qarsiyanı komandada saxlayacaq