“Rapid” Bakıya onu gətirmir
03.08.2022 - 11:23
Konfrans Liqasının III təsnifat mərhələsində “Neftçi” ilə qarşılaşacaq “Rapid” Bakıdakı ilk oyuna itki ilə gəlir.
Apasport.az saytı xəbər verir ki, bu barədə məlumatı baş məşqçi Ferdinand Feldhofer verib.
O bildirib ki, bir neçə dəqiqə sonra Bakıya yola düşəcək heyətdə mərkəz müdafiəçisi Martin Moormann yer almayacaq. Çalışdırıcı zədədən əziyyət çəkən 21 yaşlı oyunçunun daha 2-3 həftə kollektivdən ayrı qalacağını açıqlayıb.
Əvəzində hücumçular Ferdi Druyf və Yusuf Demir Avstriya təmsilçisində məşqlərə qayıdıb.
Qeyd edək ki, sabah “Bakcell Arena”da keçiriləcək “Neftçi” – “Rapid” oyunu saat 20:00-da başlayacaq. Bu komandalar arasında cavab matçı avqustun 11-də Avstriyada baş tutacaq.
Oxşar xəbərlər
Ana səhifə
Bütün xəbərlər