"Fənərbağça" "Everton"dan futbolçu alır

12.09.2023 - 12:25

"Fənərbağça" İngiltərə Premyer Liqasından futbolçu alır.

Apasport.az saytı xəbər verir ki, İstanbul klubu "Everton"un yarımmüdafiəçisi Andre Qomeşə elçi düşüb.

Klub rəhbərliyi 30 yaşlı portuqaliyalının transferi üçün ingilislərlə danışıqlara başlayıb. 2019-cu ildən "Everton"da çıxış edən Qomeş ötən mövsümü "Lill"də icarə əsasında keçirib. Fransa komandası ilə 27 matçda iştirak edən futbolçu 3 qol və 2 məhsuldar ötürmə ilə yadda qalıb.

Qeyd edək ki, qardaş ölkədə transfer pəncərəsi sentyabrın 15-də bağlanacaq.