“Barselona” Ronald Arauxonun Uruqvay millisində olarkən aldığı zədəyə görə təzminat alacaq.

Apasport.az xarici KİV-ə istinadən xəbər verir ki, FİFA uruqvaylı futbolçunun millidə olarkən aldığı zədəyə görə Kataloniya klubuna 3 milyon avro məbləğində təzminat ödəyəcək.

25 yaşlı müdafiəçi iyulda, Amerika kubokunun 1/4 finalında Braziliya millisi ilə matçda zədələnmişdi. O, həmin vaxtdan meydanda görünmür, heç vaxt “Barselona”nın yeni çalışdırıcısı Hans-Diter Flikin rəhbərliyi altında oynamayıb.

Arauxonun yenidən meydana qayıtması dekabr ayına planlaşdırılıb. O, 2018-ci ildən “Barselona”nın rənglərini qoruyur.

• “Apasport”dan 9 UDUŞ
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• “Zirə”də 2 illik müqavilə
• "Şəki" "Sərhədçi"nin oyunçusu ilə güclənib
• “Neftçi”dən ayrılan futbolçu Qətər klubuna keçə bilər