“Formula-1” üzrə Azərbaycan Qran-prisi çərçivəsində pilotların Bakıda avtoqraf sessiyası keçirilib.

Apasport.az saytının məlumatına görə, hər biri 45 dəqiqə olmaqla, iki hissədən ibarət sessiyada azarkeşlər pilotlardan avtoqraf alıb, onlarla şəkil çəkdirmək şansı qazanıb.

Ümumilikdə 10 komandanın iştirak etdiyi avtoqraf sessiyasında ilk olaraq “McLaren”, “Haas”, “Red Bull”, “Alfa Romeo”, “Alpha Tauri”nin pilotları azarkeşlərlə görüşüb, avtoqraf veriblər.

İkinci sessiyada isə fanatlar “Mercedes”, “Alpine”, “Ferrari”, “Aston Martin” və “Williams” pilotlarından xatirə imzası alıblar. 

Qeyd edək ki, yalnız üç günlük bilet sahibləri “Formula-1” üzrə Azərbaycan Qran-prisini izləməklə yanaşı, Dənizkənarı Milli Park ərazisində hazırlanmış Əyləncə Zonasında vaxt keçirə və avtoqraf sessiyalarında iştirak edə bilər.
 

• “Qızıl top”da Asiya rekordu
• "Yuventus" yeni qapıçı ilə anlaşıb
• "Sumqayıt" - "Araz-Naxçıvan" matçının təyinatları açıqlanıb
• Klub tarixinin ən bahalı milli üzvü 24 yaşında karyerasını bitirdi
• 500-cü oyun