“Ocaq Sport” klubu, İxtisaslaşdırılmış Olimpiya Ehtiyatları Uşaq-Gənclər Gimnastika Məktəbi (BGM), Respublika Kompleks İdman Məktəbi və Su İdman Sarayını təmsil edən bədii gimnastların iştirakı ilə Milli Gimnastika Arenasında təlim-məşq toplanışı keçirilib.

Apasport.az xəbər verir ki, fevralın 3-dək davam edəcək hazırlığın əsas məqsədi gimnastların gələcəkdə keçiriləcək yarışlara yüksək səviyyədə hazır olmasıdır.

Bədii gimnastika üzrə yığmanın məşqçisi Nəzrin Cəfərzadə bildirib ki, təlim-məşq toplanışında 4 klubdan 2009-2016-ci il təvəllüdlü 70 gimnast iştirak edir.

Qeyd edək ki, təlimlərdə gənc idmançılar təcrübəli məşqçilərin rəhbərliyi altında gürzlər, top, halqa və lentlərlə müxtəlif gimnastika və rəqs hərəkətlərini yerinə yetirirlər.

• “Qara qartallar” Fil Dişi Sahili yığmasının üzvü ilə vidalaşdı
• "Azərreyl"in finaldakı rəqibi müəyyənləşdi - YENİLƏNİB
• “Apasport”dan 13 uduş: “ÖDƏNİŞLİ”DƏ NÖVBƏTİ QAZANC
• Vanhazebruk: "Belçika klubları "Qarabağ"dan baxıb öyrənməlidir"
• “Nottingem Forest”dən çətin qələbə