Musa Qurbanlı dubl etdi, penalti qaçırdı

27.08.2023 - 21:35

Musa Qurbanlı İsveç çempionatında qol hesabını açıb.

Apasport.az-ın məlumatına görə, yığmamızın üzvü “Deqerfors”la oyunda iki dəfə fərqlənib.

İsveç çempionatının 21-ci turunda “Yurqorden” öz meydanında 4:1 hesablı qələbə qazanıb. Oyunda Musa Qurbanlı bütün diqqətləri üzərinə çəkib. Əvvəlcə qarşılaşmanın 2-ci dəqiqəsində Musanın ötürməsindən sonra hesab açılıb. Fasiləyədək isə Qurbanlı dubl edib. O, 23-cü və 34-cü dəqiqələrdə top rəqib qapısından keçirib. Musa “het-trik” etmək üçün gözəl fürsət qazanıb. Hücumçu penalti zərbəsini dəqiq yerinə yetirə bilməyib.

Qeyd edək ki, Qurbanlı iki gün əvvəl kubok matçında “Yurqorden”in heyətində ilk qolunu vurmuşdu.