Azərbaycan şahmatçısı Nicat Abasov Kanadanın Toronto şəhərində keçirilən İddiaçılar Turnirində bu gün növbəti görüşünə çıxacaq.

Apasport.az xəbər verir ki, 28 yaşlı qrossmeyster VI turda Hindistan təmsilçisi Rameşbabu Praqnanandha ilə üz-üzə gələcək.

O, bu dəfə ağ fiqurlarla oynayacaq. Qarşılaşma Bakı vaxtı ilə saat 22:30-da start götürəcək. Beş turdan sonra həmyerlimiz 1,5 xalla 7-8-ci yerləri bölüşdürür.

Bu gün həmçinin Dommaracu Qukeş (Hindistan) - Hikaru Nakamura (ABŞ), Santoş Vidit (Hindistan) - Əlireza Firuzca (Fransa) və Yan Nepomnyaşi (FIDE) - Fabiano Karuana (ABŞ) görüşləri baş tutacaq.

Qeyd edək ki, yarış aprelin 22-də başa çatacaq. 8 şahmatçının iki dövrədən ibarət mübarizəsində birinci olan qrossmeyster hazırkı dünya çempionu Dinq Lirenlə (Çin) Şahmat Tacı uğrunda oynamaq hüququ əldə edəcək.

• Millətlər Liqasına GÜNÜN KUPONU
• Qurban Qurbanov: “Səhvlərimiz oldu” - MÜSAHİBƏ
• Milliyə namizədlər siyahısında DƏYİŞİKLİK
• Qurban Qurbanov haqda film çəkildi
• “Sumqayıt”ın baş məşqçisi: “Xarakter nümayiş etdirmək lazımdır”