“Dünya çempionatının Paris-2024 Yay Olimpiya Oyunlarından öncə keçirilməsi çox önəmli məsələdir. Çünki hakimlərin seçimi məhz Bakıdakı yarışdan sonra baş tutacaq”.
Apasport.az saytının məlumatına görə, bunu Dünya Taekvondo Federasiyasının texniki nümayəndəsi Məhəmməd Şaaban Bakıda keçiriləcək dünya çempionatına son hazırlıqlarla bağlı təşkil olunan mətbuat konfransında deyib.
O, mundialın Azərbaycanda keçirilməsinin çox yaxşı hal olduğunu bildirib. Şaabanın sözlərinə görə, ölkəmizdə idmana xüsusi diqqət və qayğı göstərilir: “Azərbaycana təşəkkürümüzü bildiririk. Yarışın keçiriləcəyi məkanla tanış olduq. Hər şeyi gözdən keçirdik. Hazırlıqlar planlaşdırıldığı kimi gedir. Qısası, işlər qaydasındadır”.
O bildirib ki, bu, Azərbaycana ikinci səfəridir: “7 il öncə burada Qran-pri yarışına gəlmişdim. Hər şey yaxşı mənada dəyişib. Təşkilat Komitəsinin iclasında iştirak etdim. Yarışın keçiriləcəyi arena möhtəşəmdir. Dünya çempionatında yeni ulduzlar görəcəyimizə inanıram. 7 gün ərzində Azərbaycan azarkeşləri üçün yaddaqalan mundial olacağına və onların gəlib yarışdan zövq alacağına inanıram”.
Qeyd edək ki, mayın 29-dan iyunun 4-dək Bakıda keçiriləcək taekvondo üzrə dünya çempionatı Bakı Kristal Zalında təşkil olunacaq. Mundaialın informasiya dəstəkçisi “APA Media Group”dur.
Oxşar xəbərlər
Ana səhifə
Bütün xəbərlər
Hesabım