"Sabah" klubunun sabiq baş məşqçisi Ramin Quliyevin apasport.az saytına müsahibəsi
- "Zirə"nin I dövrəni lider kimi başa vuracağını təxmin edirdizmi?
- Sözün açığı, heç kim bunu təxmin etmirdi. Amma "Zirə" ilk dövrədə bunu bacardı. Düşünürəm ki, "Zirə"dəki irəliləyiş göz önündədir.
- II dövrədən gözləntiləriniz nədir?
- Düşünürəm ki, II dövrədən artıq komandalar bir-birlərinin zəif və güclü tərəflərini yaxşı bildikləri üçün intriqa artacaq.
- Sizcə, "Neftçi" və "Sabah"daki əsas problem nədir?
- "Neftçi"də yeni oyunçular çoxdur. Futbolçuların bir-birlərinə uyğunlaşması üçün vaxta ehtiyacları var. Bu proses vaxt aparacaq. "Sabah"da isə heyətdən 2-3 əsas oyunçunun getməsi komandanın performansına təsir edir. Təbii ki, bu hal müvəqqətidir.
- Sözügedən komandaların çempionluq şansları var?
- İrəlidə oyunlar çoxdur, hələ I dövrənin sonudur. Hər bir komandanın çempionluq şansı var.
- Bu iki komandanı hər kəs çempionluq üçün favorit sayırdı, sizin çempionluq üçün favoritiniz hansı komandadır?
- Mənim favoritim yoxdur. Amma görünən odur ki, "Qarabağ" üstün oynayır və çempionluğa əsas namizəddir.
- Bu gün baş tutacaq "Turan Tovuz” - "Qarabağ" və "Səbail" - "Neftçi" qarşılaşmaları haqqında nə düşünürsüz?
- "Qarabağ"ı Tovuzda çətin oyun gözləyir. İstər azarkeşlərə görə, istərsə də meydançanın süni olmasına görə bölgələrdə oynamaq həmişə çətin olub. "Səbail" - "Neftçi" isə çox maraqlı olacaq. Çünki "Səbail" ilk “üçlük”də yer alır. "Neftçi" əgər yaxşı yerlər tutmaq istəyirsə, bu oyundakı xallar çox önəmlidir. Çünki "Neftçi"nin xal itirmək limiti artıq bitib.
Oxşar xəbərlər
Ana səhifə
Bütün xəbərlər
Hesabım