“Birinci hissədə yaxşı çıxış etmədik, futbol oynamağa çalışmadıq”.

Apasport.az saytının məlumatına görə, bunu Avstriyanın “Rapid” klubunun kapitanı Qvido Burqştaller Bakıda “Neftçi”yə 1:2 hesabı ilə məğlub olduqları Konfrans Liqasının III təsnifat mərhələsinin ilk oyunu barədə danışarkən deyib.

Qarşılaşmanın son dəqiqəsində hesabı minimuma endirən qola imza atan 33 yaşlı hücumçu bunun cavab görüşündə onlara kömək olacağını düşünür: “Birinci hissədə özümüzü çox çətin vəziyyətə salırdıq. Ancaq sevindirici məqam odur ki, son dəqiqələrdə qol vura bildik. Bu çox vacib idi. Çətin olsa da, hər şey cavab matçı üçün hələ də açıq qalır. Evə 0:2 hesabı ilə qayıtmaq çox acı olardı. İndi cavab görüşündə yaxşı performans göstərməliyik. Bunu bacaracağımızı bilirik”.

Qeyd edək ki, “Neftçi” ilə “Rapid” arasında cavab oyunu avqustun 11-də Vyanada keçiriləcək.

• Millimiz Türkiyədə təlim-məşq toplanışında olacaq
• Kvaratsxeliya İspaniya yolunda
• Günün KUPONU
• İspaniyadan yubiley qol - 100-ə çatdılar
• "Turan Tovuz" gürcü legionerlərindən birini göndərdi