Bu gün Paris-2024 Yay Olimpiya Oyunlarında idmanın cüdo növü üzrə çempion olmuş idmançılarımız vətənə qayıdıb.
Apasport.az xəbər verir ki, onlarla birgə Cüdo Federasiyasının icraçı vitse-prezidenti Rəşad Rəsullu da geri dönüb.
Rəşad Rəsullu idmançılarımızın çempion olması ilə bağlı təəssüratlarını belə ifadə edib:
“Təəssüratlarımız həqiqətən, gözəldir. 16 ildən sonra Azərbaycan Cüdo Federasiyası olaraq iki qızıl medal əldə etmişik. Buna görə də, sözsüz ki, yaradılan şəraitə görə ilk öncə ölkə rəhbərliyinə, cənab prezidentimiz İlham Əliyev və Birinci vitse-prezidentimiz Mehriban Əliyevaya öz təşəkkürümüzü bildiririk. Bu işdə təbii ki, Gənclər və İdman Nazirliyinin, Milli Olimpiya Komitəsinin çox böyük dəstəyi olub. Bu bizim üçün uzun bir yol idi və bu yolda zəhmətimizin nəticəsini görmək çox böyük xoşbəxtlikdir. Onu da qeyd eləməliyəm ki, bu nəticənin əldə olunmasında federasiyamızın bütün kollektivinin, oradakı əməkdaşların hər birinin zəhməti var. Mən buradan onlara da öz təşəkkürümü bildirirəm. Biz bir komanda olaraq bu işi gördük, bu nəticəni əldə etdik. Bundan sonra artıq çox qısa bir fasilədən sonra növbəti olimpiyaya hazırlaşmağa başlayacağıq. Planlarımız və hədəflərimiz böyükdür. Hədəfləri açıqlamışıq və əsas hədəflərimizdən biri də 2028-ci ildə Los-Ancelesdə baş tutacaq Yay Olimpiya Oyunlarıdır. Məqsədimiz bu nəticəni daha da yaxşılaşdırmaq və qadınlar arasında da olimpiya birincisinin olmasına nail olmaqdır.”
Oxşar xəbərlər
Ana səhifə
Bütün xəbərlər
Hesabım