Avropanın ən böyük klubu müəyyənləşib.

Apasport.az saytının məlumatına görə, UEFA Superkuboku matçı keçirilib.

Ötən mövsüm Çempionlar Liqasını qazanan “Real”la Avropa Liqasının qalibi “Ayntraxt” üz-üzə gəlib. Helsinkidə baş tutan qarşılaşmada sensasiya olmayıb. Hər hissədə rəqib qapısına bir qol vuran madridlilər 2:0 hesablı qalibiyyətə sevinib. İspaniya çempionunun heyətində David Alaba (37-ci dəqiqə) və Kərim Benzema (65) fərqlənib. 

Bununla “Real” tarixində 5-ci dəfə UEFA Superkubokunu muzeyinə aparıb. Eyni zamanda 5 illik həsrətə son qoyan “kral klubu” yarışın ən titullu klubları “Milan” və “Barselona”nın rekorduna şərik çıxıb.

“Ayntraxt” isə tarixində ilk dəfə çıxdığı Superkubok görüşündə məğlub olub. 

• Şahmat millimiz növbəti dəfə Gürcüstanla heç-heçə edib
• Premyer Liqada komanda sayı artırılmayacaq
• Vinçenzo Montella: "Bu qələbəni türk xalqına həsr edirik"
• 18 yaşlı türkiyəli "Brentford"da
• Sablyaçılarımızdan gümüş medal