Kişi voleybolçular arasında Azərbaycan çempionu “Murov” avrokuboklardakı növbəti oyunlarını da evdə keçirəcək.

Apasport.az saytının məlumatına görə, Çelenc kubokunda mübarizə aparan təmsilçimiz 1/16 final mərhələsində Avstriyanın “Qrats” klubu ilə öz meydanında görüşəcək.

Qarşılıqlı razılığa əsasən hər iki görüş Bakıdakı Voleybol Mərkəzində təşkil olunacaq. Noyabrın 8-dəki ilk matçda meydan sahibi avstriyalılar olacaq. Ertəsi gün keçiriləcək cavab görüşündə “Murov” rəqibini qəbul edəcək. Komandalar ilk oyuna saat 19:00-da, ertəsi gün isə saat 18:00-da çıxacaq.

Qeyd edək ki, “Murov” 1/32 final mərhələsində Xorvatiyanın “Kitro Varazdin” klubu ilə də iki dəfə Bakıda qarşılaşıb. Təmsilçimiz bu matçlarda 3:0 və 3:1 hesabı ilə qalib gəlib.
 

• “Latsio”nun yeni baş məşqçisi məlum oldu
• "Ordu"nun loqosu təsdiq olunub
• 16 ildən sonra gələn çempionluq
• Obameyanq “Çelsi”də
• "Mançester Yunayted"in 9 oyunluq qələbə seriyası Londonda qırıldı