Lukaku “İnter”də qalacaq

20.10.2022 - 23:27

Romelu Lukaku daha bir mövsüm “İnter”də çıxış edəcək.

Apasport.az saytının məlumatına görə, belçikalı hücumçunun icarə müddəti uzadılacaq.

İtaliya klubu bununla bağlı “Çelsi” ilə danışıqları müsbət yekunlaşdırıb. Tərəflər icarə müddətinin 2023/24 mövsümünün sonunadək uzadılması barədə razılıq əldə edib.

İngiltərə klubunun rəhbərliyi Lukakuya ehtiyac duymadığını da hiss etdirib ki, bu da “İnter”ə onun transferi barədə düşünməyə əsas verib. Müqaviləsi 2026-cı ilin yayında başa çatacaq forvardın özü də Premyer Liqa təmsilçisinə qayıtmağın əleyhinədir.

Qeyd edək ki, Lukaku cari mövsümün 3 oyununda 1 qol və 1 assistə imza atıb.