Poqbanın möcüzə ümidi

31.10.2022 - 15:59

“Yuventus”un futbolçusu Pol Poqba yenidən zədələnib.

Apasport.az saytının məlumatına görə, məşqləri yeni bərpa edən fransalı yarımmüdafiəçi hazırlıq prosesində xəsarət alıb.

Onun bərpa prosesi ən azı 10 gün sürəcək. Pol Qətərdəki DÇ-2022-nin startına qədər “Yuventus” forması geyinə bilməyəcək. Yarımmüdafiəçinin Fransa millisi ilə mundialda iştirak şansı möcüzə ilə hesab olunur. 29 yaşlı futbolçunun yalnız 2023-cü ildə tam hazır olacağı gözlənilir.

Qeyd edək ki, Poqba əməliyyat olunduğu üçün cari mövsümdə heç bir rəsmi matça çıxmayıb.