"Bavariya"nın futbolçusu Sadio Mane "Mançester Siti"yə UEFA Çempionlar Liqasının 1/4 final mərhələsinin ilk oyununda 0:3 uduzduqdan sonra komanda yoldaşı Leroy Saneni vurub.

Apasport.az xəbər verir ki, seneqallı hücumçu Mane oyundan sonra soyunub-geyinmə otağında Seneqal əsilli Sanenin üzünə yumruq vuraraq, onun dodağını partladıb.

Oyun zamanı meydanda futbolçular arasında fikir ayrılığı yaranıb, 83-cü dəqiqədə onların mübahisəsi oyun epizodlarından biri kimi efirə çıxıb və bundan sonra paltardəyişmə otağında münaqişə davam edib. Sanenin onunla meydanda danışması, ehtimal ki, Manenin xoşuna gəlməyib.

Oyunçuları "Bavariya"nın 2 oyunçusu ayırıb. Sanenin sakitləşməsi üçün onu "Etihad" stadionundakı paltardəyişmə otağından çıxarmaq lazım gəlib.

Klub hələ ki insidentlə bağlı rəsmi açıqlama verməyib.

• Türkiyə millisinin heyətində növbəti itki
• Nikolas Raysel: “Qarabağ” “Gent”lə oyunun favoritidir”
• A Seriyası KUPONU
• Sərbəst güləş üzrə millimiz Avropa çempionu olub
• EYOF-da yarışmağa 37 idmançımız vəsiqə qazanıb