“Boka Xuniors”un oyunları təxirə salındı – Maradonanın ölümünə görə

25.11.2020 - 23:34

Libertadores kubokunun “Boka Xuniors” (Argentina) və “İnternasional” (Braziliya) oyunları təxirə salınıb.

Apasport.az saytının məlumatına görə, buna futbol əfsanəsi Dieqo Maradonanın ölümü səbəb olub.

Bu barədə qərarı Cənubi Amerika Futbol Konfederasiyası (KONMEBOL) verib. 1/8 final mərhələsinin noyabrın 26-da baş tutmalı olan ilk, dekabrın 3-də keçirilməsi planlaşdırılan cavab matçı bir həftə sonraya keçirilib. Komandalar ilk görüşünə dekabrın 3-də, cavab qarşılaşmasını 10-da çıxacaq.

Qeyd edək ki, bu gün 60 yaşında dünyasını dəyişən Maradonanın futbolçu karyerasında son klub “Boka Xuniors” olub.