“Neftçi” və “Keşlə”nin hazırkı rəhbərliyi olduğu müddətdə bu komandalara qayıtmaram”.

Bunu apasport.az saytına adıçəkilən klubların keçmiş baş məşqçisi Tərlan Əhmədov deyib.

2017/18 mövsümündə “Neftçi”yə bürünc medal qazandırdıqdan sonra iki il “Keşlə”yə rəhbərlik edən Əhmədov bu ilin yayında oradan da eyni nəticəyə imza ataraq vidalaşıb.

Uğurlu çıxışa baxmayaraq, müqavilə müddətinin artırılmaması 49 yaşlı mütəxəssisə mənfi təsir göstərib: “Əgər bir yerdən səni yola salırlarsa, ora dönüşə artıq nöqtə qoymalısan. Mənim də öz həyat prinsiplərim var. Ayrılmağının səbəbi zamanında deyilmədisə, yenidən ora dönmək variantının üstündən birdəfəlik xətt çəkilməlidir”.

Qeyd edək ki, Tərlan Əhmədovun dönəmində həm “Neftçi”, həm də “Keşlə” Premyer Liqada 3-cü yeri tutaraq Avropa Liqasına vəsiqə qazanmasına baxmayaraq, klub rəhbərləri yeni sözləşmə bağlamaqdan imtina ediblər.
 

• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"