Avropa klubları “Qalatasaray”ın hücumçusu Kerem Aktürkoğlunu transfer etməkdə qərarlıdır.

Apasport.az saytının məlumatına görə, Türkiyə təmsilçisi 24 yaşlı forvardla bağlı növbəti təklifi Fransadan alıb.

Liqa1-də medallar uğrunda mübarizə aparan “Marsel” Türkiyə millisinin üzvü uğrunda mübarizəyə qoşulub. Oyunçusunu saxlaya bilməyəcəyini başa düşən “cim-bom” onun gedişindən qazanc əldə etmək niyyətindədir. Bu səbəbdən “sarı-qırmızılılar” Keremi 20 milyon avrodan ucuz qiymətə satmamaq qərarına gəlib. Onunla maraqlanan klublar da bu barədə məlumatlandırılıb.

Qeyd edək ki, Kerem Aktürkoğlunun “Qalatasaray”la müqavilə müddəti 2026-cı ilin yayına qədərdir.
 

• "Siti"dən 100 milyonluq transfer
• “Roma”da Ostervolde narahatlığı – İlk tibbi müayinədən keçə bilmədi
• Fransa millisinin üzvü "Fənərbaxça"nın radarında
• "Yuventus"un qolkiperi B Seriyasında
• Polşa millisinin üzvü “Yuventus”da