Avropa Liqasının qrup mərhələsinin IV turundan sonra futbolçuların reytinq siyahısı açıqlanıb.

Apasport.az saytının məlumatına görə, noyabrın 26-da keçirilən 24 matç cədvəldə bəzi dəyişikliklərə səbəb olub.

Azərbaycanın Avropa Liqasının qrupundakı yeganə təmsilçisi “Qarabağ”ın ən yaxşısı Abdullah Zubirdir. 2369 xala malik yarımmüdafiəçi 212-ci yerdə qərarlaşıb. Uroş Matiç 1945 xalla 309-cu, Donald Gerye 1871 xalla 323-cüdür.

Azərbaycan millisinin üzvləri arasında Şahruddin Məhəmmədəliyev öndədir. Qapıçı 1566 xalla 399-cu sırada qərarlaşıb. İsmayıl İbrahimli 871 xalla 618-ci, Mahir Emreli 602 xalla 700-cü yerdədir.

Qeyd edək ki, Fransa “Lill”ində çıxış edən türkiyəli Yusuf Yazıçı 7879 xalla liderdir. Almaniya “Bayer”inin üzvü Leon Beyli 7316 və İngiltərə “Arsenal”ının futbolçusu Nikolas Pepe 7104 xalla ilk “üçlük”də qərarlaşıb.
 

• Messinin ağ butsları: Qalan hamıda çəhrayı rəngdə - FOTO
• Niko Uilyamsdan sədaqət mesajı: "Karyeramın sonuna qədər..."
• Kukurelya “Real” keçidindən danışdı – “Hər şey 36-48 saata baş verdi”
• Rodrinin gələcəyi sual altında - “Mançester Siti” ilə razılıq yoxdur
• Devid parıldadı: Messidən sonra ikinci het-trik